Махаббат пен бірлік

Балалардың дүниеге келуі – жанұядағы үлкен бақыт. Қазақстанда көп балалы отбасылар аз емес. Хабиб пен Анель Давлетходжаевтар бес бала өсіріп қана отырған жоқ, сондай-ақ ортақ отбасылық кәсіпті де қатар жүргізіп отыр.

Сіздің жанұяның мықты жағы неде?

Анель: Махаббат, бірлік және сенімділік. 

Хабиб: Біз бір-бірімізге барынша қолдау көрсетуге тырысамыз.

Бақытты жанұя болудың жолы дара ма, әлде  жалпыға ортақ бір жол бар ма?

А.: Махаббат.

Х.: Негізінен, адалдық, көңіл бөлу, махаббат, белгілі бір мақсат қойып, соған жету. Осы қасиеттерді дамыта отырып, ажырамай бірге өмір сүруге болады.

Сіздер қалайша кәсіп пен үлкен отбасыны бірге алып жүрсіздер?

Х.: Сәтті кәсіп пен үлкен отбасының мәні өз жақындарыңызға барлық жақсы жағдайды жасауға деген ұмтылыстың болуында, осы жолда бағыт іздеу барысында даму және үйлесімде ұстаудың жаңа шешімдерін табасыз.

А.: Сонымен қатар біздің көптеген жақсы көмекшілеріміз бар, олармен байланысты дұрыс орната отырып, әр салада өзіндік тепе-теңдікті сақтауға тырысамыз.

Сіздерде кәсіпте және отбасында кім не үшін жауапты?

Х.: Қазақта айтады ғой: ер адам – асыраушы, ал әйел барлығын дұрыс сақтап отырушы. Анель есеп-кисап, бақылау, тағайындаумен айналысады, сондай-ақ кәсіпті дамытуға ынталандырады. Басқару және жоспарлаумен мен айналысамын.

Отбасында Анельге үлкен жүк түседі, алайда мен әрқашан қасындамын. Анель ештеңеден қашпайды, күш керек кезде ол менен қолдау  күтеді.

Дәстүрлі сұрағымыз: сіздерге біздің елдің қай жағы қатты ұнайды?

А.: Қазақтың ұрпақтан-ұрпаққа жалғасып келе жатқан дәстүрлері және отбасылық құндылықтар – осылардың бәрі біздерді біріктіреді.

Х.: Ұлттық асхана.

Біздің журналдың аты  Museofnomad («Көшпенділер музасы, шабыты»). Қалай ойлайсыздар, көшпенділерді не шабыттандырады?

А.: Көшпенділерді туған жерімен тұрақты байланыстың болуы шабыттандырады.

 Автор: Газиза Габи

Фотограф: Даулет Кажкенов, @dan_smat