Аптаның басты ұлттық және халықаралық жарыстары

2024 жылдың 18-24 қарашасы аралығында Қазақстан спортшылары маңызды ұлттық және халықаралық жарыстарға қатысып, жаңа белестерді бағындыруға дайын. Алдағы апта қызықты жарыстар мен тартысты кездесулерге толы болмақ.

Жамбы атудан Қазақстан чемпионаты

Жамбыл облысында Жамбы атудан Қазақстан чемпионаты өтеді. 16-21 қараша күндері Меркі ауылында еліміздің барлық өңірлерінен келген 50 мерген чемпион атағы үшін сайысқа түседі.

Фристайл-могулдан FIS халықаралық жарыстары

12-20 қараша күндері Швецияның Идрэ қаласында фристайл-могулдан халықаралық жарыстар жалғасады. Қазақстан намысын қорғау үшін жарысқа 5 спортшы қатысуда.

Бочча бойынша халықаралық челленджер

14-22 қараша аралығында Бахрейнде бочча бойынша халықаралық челленджер өтеді. Қазақстандық спортшылар беделді турнирде бақ сынап, өз шеберліктерін көрсетеді.

Киберспорттан WEC24 әлем чемпионаты

Сауд Арабиясының Эр-Рияд қаласында WEC24 киберспорттан әлем чемпионаты аяқталуға жақын. 11-19 қараша аралығында 110-нан астам елден 600 қатысушы, соның ішінде Қазақстанның 15 спортшысы, жеңіс үшін тартысқа түседі.

Шахматтан Қазақстан Кубогының финалы

11-20 қараша аралығында Алматы қаласында Шахматтан Қазақстан Кубогының финалдық кезеңі өтеді. Бұл жарыста елдің әр өңірінен келген 130 шахматшы үздік атану үшін бақ сынайды.

Келесі апта спортқа толы болмақ. Жарыстарда өнер көрсететін спортшыларымызға қолдау білдіріп, олардың жеңістеріне куә болайық! 🏅