Астанада «Үздік-2024» премиясының жеңімпаздары марапатталды

Астанада ҚР Туризм және спорт министрлігі ұйымдастырған жыл сайынғы «Үздік-2024» премиясының салтанатты рәсімі өтті. Шараға Парламент депутаттары, танымал спортшылар, жаттықтырушылар, спорт ұйымдарының өкілдері және спорт журналистері қатысты.

Туризм және спорт министрі Ербол Мырзабосынов 2024 жыл отандық спорт үшін ерекше жыл болғанын атап өтті. Қазақстандық спортшылар халықаралық аренада жоғары нәтижелерге қол жеткізіп, Парижде өткен Олимпиада және Паралимпиада ойындарында зор жетістіктерге жетті.

«Бұл жыл Париждегі Олимпиада және Паралимпиада ойындарында тарихи жетістіктерге толы болды. Дзюдошы Елдос Сметов тәуелсіз Қазақстан тарихында дзюдодан алғашқы алтын медальды жеңіп алды. Қазахстандық гимнаст Нариман Курбанов Олимпиада пьедесталына көтерілген алғашқы қазақстандық гимнаст атанды, ал Давид Дегтярев пауэрлифтингтен екі дүркін паралимпиада чемпионы болды. Парадзюдошы Ақмарал Науатбек те Қазақстанға алтын медаль әкелді», – деп атап өтті министр.

2024 жылдың басты жетістіктері:

• Елдос Сметов дзюдодан Қазақстан тарихындағы алғашқы Олимпиада алтын медалін жеңіп алды.
• Нариман Курбанов Қазақстан тарихында Олимпиада пьедесталына көтерілген алғашқы гимнаст болды.
• Паралимпиада спортшылары Давид Дегтярев пен Ақмарал Науатбек Қазақстанға алтын медаль әкелді.

Сонымен қатар, Қазақстан V Дүниежүзілік көшпелілер ойындарын сәтті өткізіп, оған 89 елдің спортшылары қатысты. Қазақстан құрамасы командалық есепте бірінші орынға ие болды.

«Қазақстан Республикасының Президенті Қасым-Жомарт Тоқаевтың қолдауымен спорт саласында үлкен өзгерістер басталды. Келесі жылы Қазақстанды жаңа сынақтар күтіп тұр. 2025 жылы ақпанда біздің спортшылар Қытайдың Харбин қаласында өтетін қысқы Азия ойындарына қатысады, сондай-ақ Олимпиада лицензиялары үшін жарыс жалғасады. Өтіп бара жатқан жыл көптеген жетістіктерді алып келді, ал жаңа жылдан біз одан да үлкен табыстарды күтеміз. Біз сіздермен бірге боламыз!», – деді Ербол Мырзабосынов.

Министр Президент Қасым-Жомарт Тоқаевтың қолдауымен спорт саласында айтарлықтай өзгерістердің басталғанын және алдағы жылы Қазақстан спортшылары үшін жаңа сынақтардың болатынын айтты.

2024 жылдың ең үздіктері:

• Жылдың үздік спортшылары: Елдос Сметов, Давид Дегтярев.
• Жылдың үздік жаттықтырушылары: Жылгелдиев Ғалымжан, Колесников Юрий.
• Жылдың үздік спорт федерациясы: Греко-рим, еркін және әйелдер күресі федерациясы.
• Жылдың үздік спорт ұйымы: Алматы қаласындағы Жоғары спорт шеберлігі мектебі.
• Сейдахмет Бердіқұлов атындағы премияның лауреаттары: Жандос Айтбайулы (телеканал «Хабар»), Куаныш Нурданбекулы («Егемен Қазақстан»), Назерке Султанбек (Sport+ сайты).