Chevrolet Қазақстанда 150 мың автокөлік сатылымына жетіп, рекорд орнатты

2024 жылдың қорытындысы бойынша Chevrolet бренді Қазақстанның автоөндірісіндегі ірі жетістіктердің біріне қол жеткізді. Allur компаниясының құрамына кіретін марка жыл ішінде 150 164 автокөлік сатып, рекордтық көрсеткішке жетті. Бұл нәтижелер Қазақстан нарығындағы Chevrolet-тің тұрақты танымалдылығын, тұтынушылар сенімі мен адалдығын тағы да дәлелдеді.

Chevrolet стиль, заманауи технологиялар және уақытпен сыналған сапаны үйлестіретін автокөліктер ұсынады. Осы ерекшеліктерінің арқасында бренд сенімді әрі қолжетімді автокөлік таңдауы ретінде тұтынушылардың жоғары бағасына ие болды.

Жылдың ең танымал моделі – Chevrolet Cobalt. Оны 100 711 қазақстандық таңдады, бұл модельді елдің автокөлік мәдениетінің бір бөлігіне айналдырды. Сонымен қатар, Chevrolet Onix моделі де сұранысқа ие бола бастады.

Chevrolet автокөліктері Қостанайдағы Allur зауытында шығарылады, онда 3 500-ден астам маман еңбек етеді. CKD әдісімен өндірілетін бұл көліктер Қазақстандағы автоөндірістің терең локализациясын дамытып, экономикалық өсім мен жаңа жұмыс орындарының ашылуына ықпал етуде.

Компания дилерлік желісін кеңейтіп, қызмет көрсету сапасын жақсарту бағытында белсенді жұмыс істеп келеді. Сондай-ақ, тұтынушыларға ыңғайлы қаржылық бағдарламалар мен арнайы ұсыныстар ұсынады. Соның бірі – «Өзіміз ғой» бағдарламасы, бұл клиенттерге автокөлік сатып алудың тиімді шарттарын таңдауға мүмкіндік беріп, процесті қолжетімді әрі ыңғайлы етеді.