Малибу аймағындағы орман өрті 1000 гектардан астам аумақты шарпыды

Калифорниядағы Малибу қаласына жақын орналасқан «Франклин» деп аталған табиғи өрт тез таралып, 1000 гектардан (2592 акр) астам аумақты қамтыды. Қазіргі уақытта өртті ауыздықтау деңгейі 0 пайызды құрап отыр. Бұл жергілікті тұрғындар мен билік органдары арасында алаңдаушылық тудыруда.

Қалалық әкімдіктің мәліметінше, аймақта қатты желге байланысты өрт қаупі өте жоғары.

Билік қауіпсіздікті қамтамасыз ету үшін эвакуация аймақтарын кеңейтті. Аудандағы барлық мектептер уақытша жабылып, бірнеше жолдарда қозғалыс тоқтатылды. Сондай-ақ, қалада электр қуаты дерлік толықтай өшірілген.

«Біз тұрғындарды және инфрақұрылымды қорғау үшін бар күшімізді салып жатырмыз, бірақ жағдай өте күрделі», – деді Лос-Анджелес округінің өрт сөндіру қызметінің өкілдері.

Өңірге қосымша өрт сөндірушілер мен авиация жұмылдырылғанымен, өртті тоқтату мүмкін болмай тұр. Жергілікті тұрғындарға жаңартылған ақпаратты қадағалап, биліктің нұсқауымен қауіпті аймақтардан дереу кету қажеттігі ескертілуде.

«Франклин» өртін Калифорниядағы құрғақшылық пен аномальды жоғары температураның салдары деп атауға болады. Бұл жағдайлар соңғы уақытта осындай апаттардың жиілеуіне әкеліп отыр.