Моңғолиядан Қазақстан тарихына қатысты құнды құжаттар табылды

Қазақстанның Орталық мемлекеттік кинофотоқұжаттар мен дыбыс жазбалар архивінің делегациясы Моңғолияның Ұланбатыр қаласында ғылыми-зерттеу жұмыстарын жүргізді.

Зерттеу нәтижесінде Моңғолия Ұлттық архивінен Қазақстанға қатысты бірегей 90 фотоқұжат пен ұзақтығы 92 минуттық киноқұжаттың көшірмесі алынды.

Киноқұжатта қазақстандық делегацияның Моңғолиядағы қазақтардың өмірімен танысу сәттері көрініс тапқан. Фотосуреттерде жергілікті қазақтардың тұрмысы, театр әртістерінің қойылымдары және Моңғолияға әр жылдары барған қазақстандық өкілдердің бейнесі сақталған.