Париж Олимпиадасына арналған киім үлгілері таңдауға ұсынылды.
Ұлттық құраманың Париж Олимпиадасына арналған киім үлгілері мен қосымша жабдықтарының дизайн үлгілері таныстырылды, деп хабарлайды ҚР Туризм және спорт министрлігі Спортты дамыту дирекциясының баспасөз қызметі.
Естеріңізге сала кетейік, 28 ақпанда Қазақстан Республикасы Туризм және спорт министрлігінің «Спортты дамыту дирекциясы» Парижде өтетін жазғы Олимпиада ойындарына ұлттық құраманың формасы мен керек-жарақтары дизайн үлгілерін әзірлеуге ашық байқау жариялаған.
Байқауға қатысқан әрбір үміткер шеруге де, спорттық жарыстарға да арналған бірнеше киім үлгілерін жіберді.
Комиссияға келесі 6 дизайнердің эскиздері таңдауға ұсынылды. Назарларыңызға осы эскиздердің үлгісін ұсынамыз. Осыдан кейін сіз өзіңіздің сүйікті киім үлгіңізге дауыс беруге атсалысып, пікір қалдыра аласыз.
- Marino Madi
- Vervetex
- BLS GROUP
- «ЖУЗБАЙ ДИЗАЙН»
- Ғалия Әбенова
- Ким Роман
