Қазақстан сыбайлас жемқорлықты қабылдау индексінде өз позициясын жақсартты

Transparency International халықаралық үкіметтік емес ұйымының 2024 жылғы зерттеу нәтижелеріне сәйкес, Қазақстан Сыбайлас жемқорлықты қабылдау индексінде (CPI) айтарлықтай ілгеріледі. Ел 180 мемлекеттің ішінде 88-орынға көтеріліп, өткен жылмен салыстырғанда 5 сатыға жоғарылаған. Бұл жетістік туралы Сыбайлас жемқорлыққа қарсы іс-қимыл агенттігі (Антикор) хабарлады.

Жалпы әлем бойынша орташа балл 43 көрсеткішін құраса, Шығыс Еуропа және Орталық Азия аймағында (19 мемлекет) орташа көрсеткіш 35 балл деңгейінде қалды.

Зерттеу нәтижелері бойынша, Қазақстан 2016 жылдан бері өз ұпайын 11 пунктке (29-дан 40-қа дейін) арттырған елдердің қатарында. Бұл сыбайлас жемқорлыққа қарсы жүргізіліп жатқан реформалардың оң нәтижесін көрсетеді.

Орталық Азия елдері арасында Қазақстан ең жоғары позицияға ие болып, рейтингін жақсартқан жалғыз мемлекет атанды. Бұл елдегі мемлекеттік басқару саласында ашықтық пен есептіліктің артып келе жатқанын білдіреді.

Рейтингте Қазақстаннан төмен тұрған елдер қатарына Үндістан (38), Индонезия (37), Аргентина (37), Сербия (35), Украина (35), Бразилия (34), Таиланд (34), Түркия (34), Беларусь (33) және Ресей (22) кірді.