Қазақстандық теннисші Australian Open чемпионатында жартылай финаға өтті
Australian Open чемпионатының жұптық бәсекесінде қазақстандық жұптық сындағы бірінші ракетка Анна Данилина жартылай финалға жолдама алды, - деп хабарлайды Қазақстан Республикасының теннис федерациясы баспасөз қызметі.
Мельбурндегі додада бразилиялық Беатрис Хаддад Майямен бірге ширек финалда швециялық Ребекка Петерсон мен ресейлік Анастасия Потаповамен шеберлік байқасты. Бірінші партияда швециялық-ресейлік жұп 6:4 есебімен бақ сынады. Екіншісінде Анна мен Беатрис 7:5 есебімен есе қайтарды. Ал үшінші шешуші сәтте қазақстандық-бразилиялық жұп 6:3 есебімен жеңіске жетті. Тартысты бәсеке 2 сағаттан астам уақытқа созылған. Анна мен Беатрис финалға жолдама алу үшін жапониялықтар Сюко Аояма мен Ена Шибахарамен күш сынасады. Бұл жұп ширек финалда хорватиялық Петра Мартич пен америкалық Шелби Роджерсты 6:1, 6:4 есебімен озып кеткен болатын.
Автор: Мөлдір Адамжан
Сурет: баспасөз қызметі мұрағатынан