«Рухтастар» жастар сыйлығына өтінімдерді қабылдау бастау алды

AMANAT партиясы жанындағы «Жастар Рухы» жастар қанаты ұйымы  жыл сайын өтетін «Рухтастар» сыйлығына өтінімдерді қабылдайтынын жариялады. Сыйлыққа 18 бен 35 жас аралығындағы барлық қазақстандықтар қатыса алады. Өтінімдерді 2024 жылдың 5 желтоқсанына дейін jastarruhy.kz ресми сайтында жіберуге болады.

Қазақстанның түкпір-түкпірінен жалынды жастарды жинайтын сыйлық биыл бірнеше номинациядан тұрады:

1. «Ыстық қайрат» – еңбек адамы;
2. «Жылы жүрек» – жыл волонтері;
3. «Нұрлы ақыл» – үздік жас ғалым;
4. «Қайсар» – жыл батыры;
5. Жылдың әлеуметтік жобасы – қоғамға әсер еткен жоба;
6. «Белсенді рухтас» – жыл белсендісі;
7. «Жастар Рухы» Жастар қанатының үздік бөлімшесі;
8. «Жастар Рухы» Жастар қанатының үздік филиалы.

Байқауға 18-35 жас аралығындағы барлық белсенді жастар қатыса алады.

ыйлыққа үміткер болу үшін jastarruhy.kz сайтына өтінім жіберу қажет. Құжаттар тізімі:

• қатысушы туралы мәліметтер;
• БАҚ-та жарияланған материалдарға немесе әлеуметтік желідегі ақпараттарға сілтемелер;
• портфолио (презентация форматында), онда үміткердің жетістіктері, фотосуреттері және оның не үшін сыйлыққа лайық екенін дәлелдейтін мәліметтер қамтылуы керек.

Жеңімпаздарды марапаттау рәсімі 2024 жылдың 20 желтоқсанында өтеді. Финалистер салтанатты шараға арнайы шақыртылады. Әр номинация жеңімпаздары диплом, статуэтка және ақшалай сыйлық алады.