Тозған жерлердің аумағы Антарктиданың көлемінен асып түсті

Планетамыздағы тозған жерлердің аумағы 15 миллион шаршы шақырымға жетті. Бұл Антарктиданың көлемінен де  үлкен.  Потсдам климаттық өзгерістерді зерттеу институтының мәліметінше, топырақ деградациясы жылына 1 миллион шаршы шақырым қарқынмен жүріп жатыр.  

Тұрақсыз ауыл шаруашылығы әсерінен жер бетіндегі ормандардың 80%-ы жойылып кетті. Бұл жағдай климаттың өзгеруімен күрес, биологиялық әртүрлілікті сақтау және азық-түлік қауіпсіздігін қамтамасыз ету бойынша жаһандық әрекеттерге қауіп төндіреді.  

Тозған жерлердің ең үлкен ошақтары құрғақ аймақтарда орналасқан: Оңтүстік Азия, Солтүстік Қытай, АҚШ-тың Калифорния штаты, Жерорта теңізі аумағы және биік таулы жазықтар.  

Жер деградациясы жаһандық қауіпке айналып, экожүйелерді қалпына келтіру және жерді пайдаланудың тұрақты әдістеріне көшу бойынша жедел шаралар қабылдауды талап етеді.