WorldSkills Kazakhstan 2024: Қазақстандағы кәсіби шеберлік чемпионаты Астанада өтуде

 14-16 қараша күндері Астанада WorldSkills Kazakhstan 2024 ұлттық чемпионаты өтеді. Бұл – Қазақстандағы кәсіби білім беру саласындағы маңызды шара. Чемпионатқа еліміздің түкпір-түкпірінен 555 қатысушы жиналды. Олар 30 түрлі сала бойынша өз шеберліктерін көрсетуде.

Чемпионаттың ашылуында ҚР оқу-ағарту бірінші вице-министрі Наталья Жұмаділдаева WorldSkills жобасының маңыздылығын атап өтті. Оның айтуынша, бұл бастама жұмысшы мамандықтардың беделін арттыруға септігін тигізеді. Биыл Францияда өткен әлемдік чемпионатта Қазақстан құрамасы жоғары нәтижелерге қол жеткізді. Команда алты «Шеберлік медаліне» және «Ұлт үздігі» марапатына ие болды.

WorldSkills Kazakhstan 2024 жеңімпаздары Қазақстанның ұлттық құрамасына енеді. Келесі жылы олар Данияда өтетін EuroSkills-2025 чемпионатында ел намысын қорғайтын болады.