Жас математиктер халықаралық олимпиадада 6 медаль жеңіп алды

Қазақстандық мектеп оқушылары Австралияда өтіп жатқан International Mathematical Olympiad – 2025 (IMO) халықаралық жарысында жоғары нәтиже көрсетіп, ел намысын абыроймен қорғады.

Биылғы беделді олимпиадаға әлемнің 112 елінен 650-ге жуық оқушы қатысқан. Қатысушылар күрделі математикалық есептерді шешу арқылы өз елдерінің білім деңгейі мен зияткерлік әлеуетін паш етті.

Қазақстан командасы жалпыкомандалық есепте 6 медаль иеленіп, сәтті өнер көрсетті:

• 4 күміс медаль – Haileybury Almaty мектебінің оқушылары Мирон Юркевич пен Амирлан Аманжоловқа, Astana қаласындағы Spectrum International School-дың оқушысы Марғұлан Шарелге және Алматыдағы Республикалық физика-математика мектебінің (РФММ) оқушысы Амир Сахиповқа бұйырды.

• 2 қола медаль – Алматыдағы Nurorda мектебінің оқушысы Ерасыл Алтынбек пен Ақтөбе облысындағы «Білім-инновация» лицей-интернатының оқушысы Ерқанат Кенлишік еншіледі.

Ұлттық құрамаға ғылыми жетекшілік еткендер: PhD докторы Асылбек Исахов және халықаралық олимпиадалар жеңімпазы Қанат Сатылханов.

Айта кетейік, IMO – әлемдегі ең беделді және ауқымды мектепаралық ғылыми жарыстардың бірі саналады.